Yandex Uzbekistan компанияси ноябрь ойи давомида “Саховатли ноябрь” хайрия акциясини ўтказади. Ҳар бир фойдаланувчи жума кунлари Yandex Go хизматлари орқали буюртмалар бериб, ушбу ташаббуснинг бир қисмига айланиши мумкин бўлади.
Компания барча такси ва етказиб бериш тарифларида ҳар 10 км учун хайрия ташкилотларига 50 сўм ўтказади. Шунингдек, Yandex Go “Емак” хизматида жума куни 60 000 сўмдан ошиқ буюртмалар учун фондларга 500 сўмдан ажратилади.
Йиғилган маблағлар “Она Уйи”, “Teach for Uzbekistan”, “ОNА”, “SHAROIT PLYUS” каби хайрия ташкилотларига тенг миқдорда тақсимланади.
“Teach for Uzbekistan” ташкилоти директори Умида Йўлдошева шундай деди: “Сифатли таълим болалар учун яхши келажак сари муҳим қадамдир. “Саховатли ноябрь" акциясида иштирок этиш кўпроқ одамларни бизнинг мақсадларимизга жалб қилишга ёрдам беради. Yandex Uzbekistan компаниясига тақдим этилган имконият учун, ушбу лойиҳада қатнашаётган инсонларга эса қўллаб-қувватлаганлари учун миннатдорчилик билдираман”.
“Она Уйи” Халқаро фондининг Ўзбекистондаги филиали раҳбари Гулноза Ғафурова эса шундай деди: “Биз ҳар бир онанинг қўллаб-қувватлашга муносиб эканлигига ва ҳар бир боланинг оилада улғайиш имкониятига эга бўлишига ишонамиз. Ушбу акцияда иштирок этаётган ташкилотлар қаторидан жой олганимиздан хурсандмиз. Yandex Uzbekistan ва унинг фойдаланувчилари билан биргаликда камроқ болалар Меҳрибонлик уйларига тушишига эришишимиз мумкин”.
Yandex Uzbekistan томонидан ташкил этилган “Саховатли ноябрь” акцияси мамлакатда учинчи марта ўтказилмоқда. Бу компаниянинг нодавлат ташкилотларни қўллаб-қувватлаш лойиҳаларидан биридир. Компаниянинг бир нечта ҳамкор ташкилотлари ходимлари ва уларнинг ҳомийлари Yandex Gо доирасида доимий амал қилувчи хайрия дастури асосида бепул такси ва етказиб бериш хизматларидан фойдаланиб келмоқда.
2023 йил “Саховатли ноябрь” акцияси доирасида тўпланган хайрия маблағлари “SHAROIT PLYUS” ташкилотига ногиронлиги бўлган инсонлар учун компьютер хонаси ва тикув цехи биносини капитал таъмирлаш харажатларини қисман қоплаш имконини берди. “Капалак Болалар” ташкилоти эса тиббий саводхонлик бўйича семинарлар ўтказди.
“ОNА” фонди эса йиғилган маблағни талабалар учун стипендия тўловлари ва таълим муассасаларини қўллаб-қувватлашга йўналтирди. 2023 йил “Саховатли ноябрь” акцияси натижасида Yandex Uzbekistan компанияси хайрия ташкилотларига жами 101 миллион сўм маблағ ўтказган.
2024 йилда тадбирда иштирок этган хайрия ташкилотлари ҳақида:
- Ўзбекистондаги "Она Уйи" Халқаро фондининг филиали ижтимоий етимликнинг олдини олиш мақсадида фаолият юритади ва янги туғилган чақалоқлар ҳамда ёш болали оналарни қўллаб-қувватлайди. Филиалнинг ресурс марказлари қийин ҳолатга тушиб қолган оилаларга фарзандини ташлаб кетмасликка ёрдам беради. Ўзбекистонда 2 шаҳарда 3 та марказ фаолият юритиб, оилаларга комплекс ёрдам кўрсатади.
- "Teach for Uzbekistan" – Ўзбекистонда мактаб таълими ривожи ва қўллаб-қувватланишига ёрдам беришни асосий мақсад қилган янги форматдаги нотижорат ташкилот. У чет эл ва маҳаллий нуфузли университетларнинг истеъдодли битирувчиларини мутахассислар етишмаётган ҳудудий мактабларда STEM фанлари ўқитишга тизимли жалб қилади. Бу ташаббус ҳар бир боланинг салоҳиятини очиб беришга ёрдам бериш орқали мамлакат ривожига ҳисса қўшадиган етакчилар жамиятини яратишга интилади.
- “ОNА” жамоат фонди қийин вазиятга тушиб қолган аёллар ва болаларга ёрдам кўрсатади. Фонд тиббий ёрдам, ҳуқуқий кўмак беради ва ижтимоий мослашувга ёрдамлашади. Лойиҳалар орасида жарроҳлик операциялари учун тўлов, кўп болали оналарга ёрдам ва ёш аёллар учун таълим грантлари бор. Шунингдек, “ОNА” шифохоналар шароитларни яхшилайди ва узоқ ҳудудларда тоза сув билан таъминлаш дастурларини амалга ошириб, бутун мамлакат бўйлаб минглаб инсонларга ёрдам беради.
- "SHAROIT PLYUS": Тошкентдаги ногиронлиги бўлган инсонлар жамоат бирлашмаси. Шароит Плус ногиронлиги бор инсонлар ва уларнинг оилаларига ижтимоий ва ҳуқуқий ёрдам кўрсатади. Ташкилот ногиронлиги бор кишиларни замонавий касбларга ўргатади, уларнинг ишга жойлашишига кўмаклашади ва инклюзия соҳасида лойиҳаларни амалга оширади. Ташкилотнинг миссияси — ногиронлиги бор инсонлар ва уларнинг оилалари жамият ҳаётида тўлақонли иштирок этиш учун тенг ҳуқуқ ва имкониятларга эга бўладиган тўсиқсиз ва инклюзив жамият яратишдир.
Изоҳ (0)