Mazkur kitob xizmati O‘zbekiston nashriyotlari va o‘zbek tilidagi kitoblar vitrinasini ishga tushirdi. Bolalar ertaklari, darsliklar, biznes-adabiyotlar, jahon klassikasi, ilmiy-ommabop asarlar va O‘zbek yozuvchilarining ijod namunalari — endi Yandex Plusʼga obuna bo‘lish orqali bularning barchasini o‘qish va tinglash imkoniyati paydo bo‘ldi.
Loyihani ishga tushirishdan asosiy maqsad — o‘zbek adabiyotni ommalashtirish va mahalliy nashriyotlar faoliyatiga auditoriya eʼtiborini jalb etish. Xizmatda allaqachon O‘zbekistonning “Bolalik Kunlarimda” va “Asaxiy Books” kabi yirik nashriyotlarining keng ko‘lamli adabiyotlari taqdim etilgan. Shuningdek, yaqin kelajakda xizmat katalogida “Yangi asr avlodi” nashriyotining kitoblari ham paydo bo‘ladi.
“Kitoblar, musiqa, kino va boshqa sohalar singari madaniyat va biznes tutashgan joyda tobora raqamlashmoqda. Biz obunachilarimizga nafaqat ilg‘or texnologiyalarni, balki zamonaviy o‘zbek mualliflari asarlarining xilma-xilligini, shuningdek, mamlakatimizning eng yaxshi nashriyotlari tomonidan tayyorlangan klassik asarlar, xalq ertaklari va jahon bestsellerlarining o‘zbek tiliga tarjimalarini taklif etayotganimizdan juda mamnunmiz. Bu o‘zbek yozuvchilarni ommalashtirishga, yoshlar orasida adabiyotga qiziqishni oshirishga va kitoblarning o‘z o‘quvchilarini topishiga yordam beradi”, — deya fikr bildirdi Yandex Plus kontent yo‘nalishlarini xalqaro rivojlantirish bo‘yicha direktori Yelena Brodskaya.
2018-yildan buyon Asaxiy internet-do‘koni tomonidan tashkil etilgan Asaxiy Books loyihasi o‘zbek tilidagi adabiyotdan foydalanish imkoniyatlarini faol ravishda kengaytirmoqda — jahon durdonalari tarjima qilinmoqda va mahalliy mualliflarning asarlari nashr etilmoqda. Nashriyot allaqachon Jeyms Klirning “Atom odatlar” va Uolter Ayzeksonning “Stiv Jobs” kabi mashhur asarlarning tarjimasini taqdim etgan.
Bolalik Kunlarimda loyihasi 2019-yildan beri Axborot va ommaviy kommunikatsiyalar agentligi hamda Maktabgacha taʼlim vazirligi ko‘magida yaratilgan audio ertaklar bilan bolalarni xursand qilmoqda. Dastlab Bolalik Kunlarimda o‘zbek xalq ertaklarini o‘zbek va rus tillarida ovozlashtirilgan. Ammo vaqt o‘tishi bilan ro‘yxat turkman, qozoq, tojik, yapon, arman, rus va Yevropa xalq ertaklari, shuningdek, Sharl Perro, Xans Xristian Andersen, aka-uka Grimmlarning asarlari bilan boyitila boshlandi. Audio versiyalarni yaratish ustida tarjimonlar va bolalar psixologlari ishlagan, qahramonlarga esa O‘zbekistonning taniqli aktyorlari va sanʼatkorlari kichik adabiyot ixlosmandlari uchun maxsus ovoz bergan.
Yandex Books o‘zbek tilidagi vitrinasining ishga tushirilishi — bu milliy adabiyotni ommalashtirish va keng auditoriya orasida umuman kitobxonlikka bo‘lgan qiziqishni oshirish yo‘lidagi qadamdir. Ushbu xizmat mahalliy nashriyotlarga o‘z o‘quvchilarini topishda, o‘zbekistonliklarga eskirmaydigan mumtoz adabiyot bilan birga yangi mahalliy va jahon adabiyotini kashf etishda yordam beradi va eng kichik kitobsevarlarga ertaklar dunyosiga unutilmas sayohatlarni taqdim etadi.
Yandex Plus
Reklama huquqi asosida.
Izoh (0)