Шавкат Мирзиёев 30 январь куни Тошкентдаги Ислом Каримов ҳайкали пойига гулчамбар қўйди.
Президент матбуот хизматининг хабар қилишича, маросимда Олий Мажлис палаталари, Президент администрацияси ва ҳукумат вакиллари, зиёлилар, шаҳар жамоатчилиги жам бўлди.
“Бу эл-юртга хизмат унутилмаслиги, ҳамиша эъзозланишидан далолат. Шавкат Мирзиёевнинг эътибори билан Биринчи Президентимизнинг хотираси абадийлаштирилди, у киши таваллуд топган 30 январь ҳар йили нишонланадиган бўлди. Тошкентда илмий-маърифий ёдгорлик мажмуаси ташкил этилди. Самарқандга ташрифлар чоғида Ислом Каримов мақбарасини зиёрат қилиш эзгу анъанага айланди. Бу кейинги авлодлар учун ҳам ибрат ва намунадир”, дейилади хабарда.
-u0krUfw3.jpg)
-i1Dm68p2.jpg)
-La-fVfdq.jpg)
-ix8X7ssh.jpg)
Маросимда Қуръон оятлари ўқилиб, дуо қилинди. Биринчи Президентнинг халқ манфаати йўлида қилган ишлари, фазилатлари ёдга олинди.
-Vxln3Jb7.jpg)
-iyzRO4v6.jpg)
Шундай тадбирлар Самарқанд ва Қарши шаҳарларида ҳам ўтказилди.
Давлат раҳбарининг 2017 йил 25 январдаги “Ўзбекистон Республикасининг Биринчи Президенти Ислом Абдуғаниевич Каримовнинг хотирасини абадийлаштириш тўғрисида”ги қарорига мувофиқ, ҳар йили у таваллуд топган сана — 30 январь кунини кенг нишонлаш белгиланган.
2024 йилда “Дарё” Ўзбекистон биринчи президенти, марҳум Ислом Каримов хотирасига бағишлаб, давлат раҳбари билан боғлиқ бўлган қизиқ хотираларни бевосита воқеа иштирокчиларининг тилидан бир мақолага жамлаганди.
Изоҳ (0)