Ижтимоий тармоқларда ЙПХ ходими йўл ҳаракатини бошқариш давомида тез ёрдам машинасини чорраҳада кутишга мажбур қилиб, бир нечта автомобиллар гуруҳининг ҳаракатланишига йўл очиб берган ҳолат акс этган видео тарқалди.
Мазкур ҳолат қизғин муҳокамаларга сабаб бўлмоқда. Тез ёрдам машинасининг йўли тўсилиши нафақат беморнинг ҳаёти учун хавф туғдириши, балки умумий йўл ҳаракати қоидаларига зид экани кўпчилик томонидан танқид қилинмоқда. Шу билан бирга, бу каби вазиятларда устуворликнинг қандай белгиланиши ҳақида саволлар туғилмоқда.
Маълумот учун, “Йўл ҳаракати қоидалари”нинг 6-боб “Махсус транспорт воситаларининг имтиёзлари”га кўра, тез ёрдам, ўт ўчириш, ИИБ каби махсус хизмат машиналари сиренаси ва махсус чироқлари ёқилган ҳолда ҳаракатланаётиганда бошқа транспорт воситалари уларга йўл бериши шарт.
Ҳайдовчилар махсус транспорт воситаларининг тўсиқсиз ўтиб кетишини таъминлаш учун ўз ҳаракат йўналишини ёки тезлигини ўзгартириши, керак бўлса, тўхташи лозим.
Ҳодиса юзасидан расмий ташкилотлар изоҳ бергани йўқ.
Изоҳ (1)
Бизларда бунака холатлар мумкин. Сабаби йул патрул ходими зур "укиган". Зур стол эгасини боласи булиши мумкин. Шунинг учун хеч ким изох бермайди.