Дам олиш кунлари республикадан совуқ ҳаво массалари чекина бошлайди, деб хабар бермоқда “Ўзгидромет” матбуот хизмати.
Маълум қилинишича, 24 январь, жума куни бутун республика бўйлаб ҳаво ҳарорати кўтарилиши фонида қуёшли об-ҳаво бўлиши кутилмоқда. 25 январь, шанба куни кечаси ҳаво ҳарорати 2-7 даража совуқ оралиғида сақланиб, кундузи 7-12 даража илиққача кўтарила бошлайди, якшанба куни эса кечаси ҳаво ҳарорати 2 даража совуқ — 3 даража илиққача, кундузи 9-14 даража илиққача кўтарилади.
24—25 январда бази жойларда шамол 13-18 метр/секундгача тезликда эсади. Тошкент ва Наманган вилоятларининг тўгли ҳудудларида қор кўчиши хавфи мавжуд.
Тошкентда дам олиш кунлари ёғингарчилик кутилмайди. Шанба куни ҳаво ҳарорати кечаси 3-5 даража совуқ, кундузи 8-10 даража илиқ бўлади. Якшанба куни ҳаво ҳарорати кечаси 0-2 даража илиққача, кундузи 11-13 даража илиққача кўтарилади. Кечаси ва эрталаб туман тушиши мумкин.
Изоҳ (0)