Ўзбекистон миллий терма жамоаси бугун, 20 январдан Қатар пойтахти Доҳада йиғилади. “Оқ бўрилар” устози Сречко Катанес жамоанинг мазкур йиғинига соғлиғидаги муаммолар сабабли кела олмайди. Бу ҳақда ЎФА матбуот хизмати хабар бермоқда.
Манбага кўра, йиғин давомида жамоа билан ёрдамчи мураббийлар Алеш Чех ҳамда Владо Радманович иш олиб боради. Бош мураббий 3 йил олдинги БАА йиғинини ҳам коронавирус сабаб ўтказиб юборганди. Бундан ташқари, айнан шу важ билан мураббий энг муҳим баҳслар давомида 3 бор жамоага ёрдам бера олмаган.
Катанес Туркманистон билан ўйин олдидан жамоани учинчи бор тарк этса, қайтиб келмаслигини айтган. Аммо 2026 йилги Жаҳон чемпионати Осиё минтақасидаги 3-саралаш босқичидан ўрин олган учрашувларнинг энг муҳими — Эрон ва БАА терма жамоаларига қарши учрашувда терма жамоага ёрдам бера олмаган эди.
Маълумот учун, Ўзбекистон терма жамоаси ушбу йиғин доирасида 27 январь куни Иорданияга қарши назорат учрашувида майдонга тушади. Беллашув Тошкент вақти билан соат 22:00да “Абдуллоҳ бин Халифа” стадионида бўлиб ўтади.
Ўзбекистон терма жамоаси Жаҳон чемпионати саралашида навбатдаги учрашувни Қирғизистонга қарши ўтказади. Учрашув 20 март кун ўтказилади.
Изоҳ (0)