Оғир вазн тоифасидаги собиқ жаҳон чемпиони, британиялик Тайсон Фьюри 13 январь куни ўзининг ижтимоий тармоқлардаги саҳифасида бокс билан хайрлашганини эълон қилди. Бу унинг фаолияти давомида учинчи марта боксни тарк этишидир.
Фьюри бундан аввал ҳам бир неча бор боксни тарк этган. Биринчи марта у 2016 йилда боксдан кетишини эълон қилган. Ўшанда у собиқ жаҳон чемпиони Владимир Кличкони ҳакамлар қарорига кўра мағлуб этган, бироқ орадан кўп ўтмай боксчининг қонида гиёҳванд модда топилган.
2022 йилда у ватандоши Диллиан Уайтни мағлуб этганидан кейин яна фаолиятини якунлашини эълон қилган. Фьюри бу қарорини Деонте Уайлдер билан триалогиядаги ғалабадан сўнг энди унинг учун муносиб рақиб қолмагани билан изоҳлаган эди.
Фьюри ўз фаолиятидаги сўнгги икки жангни украиналик Олександр Усик билан ўтказди. Аввалига 2024 йилнинг май ойида у Усикка ҳакамларнинг бўлинган қарори билан мағлуб бўлди. Кейинроқ декабрь ойида бўлиб ўтган жангда эса Фьюри Усикка ҳакамларнинг бир овоздан берган қарорига кўра ютқазди.
Изоҳ (0)