Og‘ir vazn toifasidagi sobiq jahon chempioni, britaniyalik Tayson Fyuri 13-yanvar kuni o‘zining ijtimoiy tarmoqlardagi sahifasida boks bilan xayrlashganini e’lon qildi. Bu uning faoliyati davomida uchinchi marta boksni tark etishidir.
Fyuri bundan avval ham bir necha bor boksni tark etgan. Birinchi marta u 2016-yilda boksdan ketishini e’lon qilgan. O‘shanda u sobiq jahon chempioni Vladimir Klichkoni hakamlar qaroriga ko‘ra mag‘lub etgan, biroq oradan ko‘p o‘tmay bokschining qonida giyohvand modda topilgan.
2022-yilda u vatandoshi Dillian Uaytni mag‘lub etganidan keyin yana faoliyatini yakunlashini e’lon qilgan. Fyuri bu qarorini Deonte Uaylder bilan trialogiyadagi g‘alabadan so‘ng endi uning uchun munosib raqib qolmagani bilan izohlagan edi.
Fyuri o‘z faoliyatidagi so‘nggi ikki jangni ukrainalik Oleksandr Usik bilan o‘tkazdi. Avvaliga 2024-yilning may oyida u Usikka hakamlarning bo‘lingan qarori bilan mag‘lub bo‘ldi. Keyinroq dekabr oyida bo‘lib o‘tgan jangda esa Fyuri Usikka hakamlarning bir ovozdan bergan qaroriga ko‘ra yutqazdi.
Izoh (0)