“Ўзгидромет” дам олиш кунлари учун об-ҳаво прогнозини эълон қилди.
Унга кўра, 11—12 январь кунлари республика бўйича ёғингарчиликсиз, бир оз булутли об-ҳаво сақланиб туради. Кечаси ҳаво ҳарорати 0-3 даража совуқ, баъзи жойларда 5 даражагача совуқ, кундузи 6-11 даража илиқ бўлади.
Қорақалпоғистон Республикасида кечаси 5-10 даража совуқ, кундузи 2-7 даража илиқ бўлади.
Республиканинг айрим жойларига кечаси ва эрталаб туман тушиши мумкин. Шамол шарқий йўналишдан енгил ва ўртача тезликда эсади.
Тошкентда бир оз булутли, ёғингарчиликсиз ҳаво бўлади. Шамол шарқдан 3-8 метр/секунд тезликда эсади. Ҳаво ҳарорати кечаси 0-3 даража совуқ, кундузи 8-11 даража илиқ бўлади.
Прогнозларга кўра, Ўзбекистон ҳудуди бўйича 2025 йил январь ойининг биринчи ярмида аномал совуқ ёки аномал илиқ шароит кутилмаяпти. Ҳаво ҳарорати январь ойи боши учун бўлган ўртача кўп йиллик қийматларга яқин бўлади.
Изоҳ (0)