“O‘zgidromet” dam olish kunlari uchun ob-havo prognozini e’lon qildi.
Unga ko‘ra, 11—12-yanvar kunlari respublika bo‘yicha yog‘ingarchiliksiz, biroz bulutli ob-havo saqlanib turadi. Kechasi havo harorati 0-3 daraja sovuq, ba’zi joylarda 5 darajagacha sovuq, kunduzi 6-11 daraja iliq bo‘ladi.
Qoraqalpog‘iston Respublikasida kechasi 5-10 daraja sovuq, kunduzi 2-7 daraja iliq bo‘ladi.
Respublikaning ayrim joylariga kechasi va ertalab tuman tushishi mumkin. Shamol sharqiy yo’nalishdan yengil va o‘rtacha tezlikda esadi.
Toshkentda biroz bulutli, yog‘ingarchiliksiz havo bo‘ladi. Shamol sharqdan 3-8 metr/sekund tezlikda esadi. Havo harorati kechasi 0-3 daraja sovuq, kunduzi 8-11 daraja iliq bo‘ladi.
Prognozlarga ko‘ra, O‘zbekiston hududi bo‘yicha 2025-yil yanvar oyining birinchi yarmida anomal sovuq yoki anomal iliq sharoit kutilmayapti. Havo harorati yanvar oyi boshi uchun bo‘lgan o‘rtacha ko‘p yillik qiymatlarga yaqin bo‘ladi.
Izoh (0)