Ўзбекистон футбол ҳакамлари маркази раҳбари Лазиз Қўчқоров бошқа ишга ўтиши муносабати билан лавозимидан озод этилди. Бу ҳақда марказ матбуот хизмати хабар берди.
Қўчқоров 2022 йил 16 июндан Марказ раҳбари сифатида фаолият олиб бораётган эди.
“Икки ярим йиллик фаолиятим давомида ҳакамлик соҳасини ривожлантириш, ҳакамларнинг ҳалол ва жозибали иш олиб боришига ва Марказ учун ижобий ислоҳотлар ўтказишга бор кучим билан ҳаракат қилдим. Ушбу йўналиш мен учун катта тажриба бўлди. Фурсатдан фойдаланиб, бутун ўзбек футболи жамоатчилигига, жонкуяр мухлисларга ўз миннатдорчилигимни билдириб қоламан. Марказнинг келгуси фаолиятига эса фақат муваффақият ва зафарлар тилаб қоламан”, — дейди Лазиз Қўчқоров.
Хабарда, Қўчқоров раҳбарлиги даврида амалга оширилган ишлар ҳам айтилган. Жумладан, учинчи VAR техникалари харид қилинди, "Ёш умидли ҳакамлар" номидаги янги лойиҳа ишлаб чиқилди. Шунингдек, ОФК Элит ҳакамлари рўйхатига Ўзбекистондан 7 та рефери киритилди.
Изоҳ (0)