Европа минтақасида ЖЧ—2022 саралашининг сўнгги туридан ўрин олган бир қатор ўйинлар 14 ноябрь, якшанба куни ўтказилди.
Португалия ва Сербия жамоалари сўнгги турда гуруҳ пешқадамлиги учун ўзаро кураш олиб борди. Учрашувнинг иккинчи дақиқасидаёқ Ренату Саншеш мезбонларни олдинга олиб чиққан бўлса, 33-дақиқада Душан Тадич мувозанатни тиклади. Асосий вақтнинг сўнгги дақиқасида Александр Митрович сербларнинг иккинчи голини урди. Бу ғалаба орқали Сербия гуруҳда биринчи ўринга кўтарилиб олди.
Худди шундай ўйин B гуруҳи вакиллари Испания ва Швеция ўртасида бўлиб ўтди. Учрашувнинг сўнгги дақиқаларида Альваро Мората томонидан урилган гол испанларга ғалаба тақдим этди.
Шу тариқа Сербия ва Испания Жаҳон Чемпионатига тўғридан-тўғри йўлланмани қўлга киритди. Португалия ҳамда Швеция эса ўтиш баҳсларида иштирок этади.
Ўтган турда мундиал масалани ҳал қилган Германия терма жамоаси сафарда Арманистон билан баҳс олиб борди ва йирик ҳисобда зафар қучди. Немислар сафида Илкай Гундўған дубль қайд этган бўлса, Кай Ҳаверц ва Ёнас Ҳофманн биттадан гол урди. Арманларнинг жавоб тўпига Генрих Мхитарян муаллифлик қилди.
ЖЧ—2022 саралаши
10-тур баҳслари
14 ноябрь, якшанба
Португалия – Сербия 1:2
Голлар: 1:0 – 2 Саншеш, 1:1 – 33 Тадич, 1:2 – 90 Митрович.Португалия – Руй Патрисиу, Жоау Канселу, Рубен Диаш, Мендеш, Фонте, Моутинью (Палиня, 64), Данилу Перейра (Андре Сильва, 90), Бернарду Сильва (Бруну Фернандеш, 64), Саншеш (Рубен Невеш, 84), Диогу Жота (Жоау Феликс, 83), Роналду.
Сербия – Райкович, Миленкович, Павлович, Велкович (Спайич, 65), Лукич, Костич (Йович, 89), Милинкович-Савич, Живкович (Радонич, 69), Гудел (Митрович, 46), Тадич, Влаҳович.
Огоҳлантиришлар: Жоау Канселу (8), Гудел (13), Моутинью (61), Павлович (66), Саншеш (67), Миленкович (70), Митрович (90+1).
Испания – Швеция 1:0
Гол: 1:0 – 86 Мората.Испания – Унаи Симон, Пау Торрес, Альба, Аспиликуэта, Ляпорт, Бускетс, Солер (Мерино, 73), Олмо (Мендес, 90), Гави (Родри, 90), Сарабия (Мората, 59), де Томас (Родриго, 60).
Швеция – Ольсен, Линдельоф, Аугустинссон, Нилссон, Крафт (Олссон, 85), Кулусевски (Квайсон, 64), Экдал, Форсберг (Сванберг, 63), Олссон, Классон, Исак (Ибраҳимович, 73).
Огоҳлантиришлар: Крафт (77), Мендес (90).
Арманистон – Германия 1:4
Голлар: 0:1 – 15 Ҳаверц, 0:2 – 45, пенальти Гундўған, 0:3 – 50 Гундўған, 1:3 – 59, пенальти Мхитарян, 1:4 – 64 Ҳофманн.Арманистон – Бучнев, Ароян, Чалишир, Тертерян, Маргарян, Удо (Григорян, 84), Восканян, Байрамян (Селараян, 69), Сперсян, Мхитарян (Григорян, 77), Адамян (Бриаско, 69).
Германия – тер Штеген, Керер, Та, Гинтер, Раум, Ҳаверц, Ҳофманн (Баку, 84), Сане (Брандт, 60), Гундўған (Арнольд, 60), Мюллер (Нмеча, 60), Нойхаус (Фолланд, 73).
Огоҳлантиришлар: Восканян (45), Нойхаус (58), Арнольд (68).
Изоҳ (0)