Ливия етакчиси Муаммар Каддафийнинг катта ўғли Саиф ал-Ислом Каддафий Франция собиқ президенти Николя Саркозига қарши ишончли далиллари мавжудлиги ва кўрсатма беришга тайёр эканлигини маълум қилди. Бу ҳақда Africa News хабар берди, деб ёзади «Корреспондент.net».
«Саркозига қарши муҳим далилларим борлигини маълум қиламан, бироқ мазкур иш бўйича ҳамон гувоҳ сифатида чиқиш қилганим йўқ. Саркози ва Каддафийнинг Триполидаги биринчи учрашуви ёзувига эга бўлган Ливия разведкасининг етакчиси Абдулла Сенусси ҳам гувоҳ сифатида кўрсатма бергани йўқ. Шунингдек, ўлим билан таҳдид қилишаётганлигига қарамасдан, Libya Investment собиқ директори Башир Салаҳ ҳам кўрсатма беришга тайёр», – деди у.
Каддафий Франция президенти Эммануэль Макронни ундан олдинги президент қилган ишларни тузатиш учун Ливиядаги сайлов жараёнини қўллаб-қувватлашга чақирди.
Каддафийнинг ўғли Саркозини Ливияда терроризм ва ноқонуний иммиграцияни ёйишда айблади.
Изоҳ (0)