Jahonga mashhur yulduzlarning ism-sharifining noto‘g‘ri talaffuz qilinishi tez-tez uchrab turadi. Ayniqsa, aktyor va boshqa san’atkorlarning kelib chiqishi ingliz tilida so‘zlaydigan davlatlardan bo‘lmasa, bunday xatoliklar odatiy holatga aylanadi.
Jeyk Jillenxol
Aktyor Amerikada tug‘ilib o‘sganiga qaramay, uning ota-onasi asli Shvetsiyalikdir. Jillenxol o‘zining vatani va ajdodlari haqida doim faxr bilan so‘zlaydi, ammo aktyorning ismi doimo noto‘g‘ri aytiladi. Aslida uning familiyasi Yillenxaal deb talaffuz qilinadi.
Alisiya Vikander
Shvedsiyalik aktrisa, prodyuser va raqqosa Alisiya Vikander Jillenxoldan farqli ravishda o‘z vatanida istiqomat qiladi. Shunga qaramay, uning familiyasi baribir butun dunyoda noto‘g‘ri aytiladi. To‘g‘ri variant Vikampbel bo‘ladi, ammo Alisiya muxlislariga familiyasini shu tarzda talaffuz qilishga majburlamaydi.
Adel
36 yoshli britaniyalik qo‘shiqchi Adel muxlislari bilan tashkillashtirgan uchrashuvlardan birida uning ismini to‘g‘ri aytgan fanatlardan birini maqtagan edi. Ma’lum bo‘lishicha, ismi Adeul tarzida aytiladi.
“Qoyil! Siz ismimni mukammal va to‘g‘ri talaffuz qildingiz”, deya xursand bo‘lgan edi xonanda.
Trevis Kelsi
Amerikalik professional futbolchi, xonanda Teylor Sviftning qallig‘i Trevis Kelsining ismini aytish avvaliga unchalik ham murakkab emasdek tuyuladi, biroq dunyo bo‘ylab barcha futbol ishqibozlari bu ism talaffuzida ham doim adashadi. New Height podkastida uning otasi futbolchining ismi Kels sifatida o‘qilishi haqida ma’lumot bergan.
Rianna
Barbadoslik xonanda Rianna ham ushbu ro‘yxatdan joy olishi ajablanarli, albatta. Hozirda xonanda san’atdan ko‘ra asosan o‘zining kosmetika va kiyim-kechaklar brendi rivojiga ko‘proq e’tibor qaratayotgan yulduzning ismi Rienna sifatida aytiladi.
Timoti Shalame
“Dyuna” va “Vonka” filmlari yulduzi Timoti Shalamening ismi Timotey sifatida talaffuz qilinadi. Aslida uning fransuz ekanligini yodidan chiqargan atrofdagilar uning ismini ko‘pchilikka qulay tarzda chaqirishga o‘rganib qolgan. Shunga qaramay, aktyorning o‘zi bu haqda indamaydi va muxlislaridan ranjimaydi.
Teylor Lotner
“Sumerki” filmida Jeykob Blek rolini o‘ynaganidan so‘ng mashhurlikka erishgan aktyorning familiyasi ham uzoq yillar davomida xatoliklar bilan aytib kelingan. Bunda aktyor o‘zini ayblaydi, chunki Teylor avvaldan atrofdagilarni to‘g‘rilamagan va uning nomi kino tarixida shunday muhrlangan. Aslida esa uning familiyasi Lautner sifatida aytiladi.
Gal Gadot
“Mo‘jizakor ayol” filmining yulduzi, isroillik aktrisa Gal Gadotning familiyasi Godot sifatida aytilishi to‘g‘ridir.
Nikolay KosterValdau
Daniyalik aktyor va prodyuser, “Taxtlar o‘yini” filmi orqali mashhur bo‘lib, uning ismi Nikolay Koster-Uoldou sifatida talaffuz qilinadi.
Izoh (0)