65 ёшли хонанда Мадонна мусиқа тарихида қўшиқлари энг кўп сотилган етакчи сифатида Гиннесс рекордини ўрнатди. У 40 йиллик ижодий фаолияти мобайнида 400 миллиондан ортиқ альбом, сингл ва қўшиқ сотган.
Таъкидланишича, Мадонна бу борадаги етакчиликни 2009 йилдан бери эгаллаб келади. Ундан кейинги ўринларда эса хонандалар Рианна, Мерайя Кери, Тейлор Свифт ва Бейонсенинг исми тилга олинади.
2022 йилнинг июль ойи ҳолатига кўра, Мадонна гастрол сафарларини уюштирадиган ижрочи сифатида ҳам энг юқори даромад кўрсаткичини қайд этган: унинг гастроллари 1,3 миллиард доллар миқдорида фойда олиб келган. Ушбу кўрсаткич тез орада ўсиши аниқ, боиси Мадонна айни вақтда “Cелебратион Тоур” мусиқий тури доирасида концертлар беришда давом этмоқда.
Мадонна ўзининг 12-концерт турини 14 октябрь куни Лондон шаҳрида бошлаган эди. “Cелебратион Тоур” 2024 йилнинг 24 апрель куни Мехикода якунланишини режалаштирилган. Аслида хонанданинг гастрол сафари июль ойида бошланиши керак бўлган, аммо ижрочи бактериал инфекция туфайли касалхонага тушиб қолгандан кейин ташкилотчилар турни ортга суриш қарорига келишган.
“Ижобий қувватингиз, дуоларингиз ва далда берувчи сўзларингиз учун ташаккур. Мен муҳаббатингизни ҳис қиляпман. Ҳаётимдаги барча неъматлар учун миннатдорман. Эътиборимни саломатлигимга қаратганман ва янада кучли бўлишга ҳаракат қиляпман”, – деган эди хонанда касалхонага тушиб қолгандан кейин.
Айни вақтда Мадоннага Тейлор Свифтнинг “Тҳе Eras Тоур” ва Бейонсенинг “Renaissance Тоур”и рақобатчилик қилмоқда. Тейлор Свифтнинг “Eras” туридан кейин миллиардерга айлангани маълум қилинган бўлса-да Гиннесс рекордлари китоби ушбу икки турнинг рекорд даражадаги сотувини қайд этганича йўқ.
Изоҳ (0)