Oliy Majlis Senatining parlament saylovidan keyingi birinchi majlisida Tanzila Norboyeva Senat raisi etib saylandi.
Konstitutsiyaning 101-moddasiga muvofiq, prezident Senat raisi lavozimiga senator Tanzila Norboyeva nomzodini taqdim etdi.
Tanzila Norboyeva davlat va jamoat boshqaruvida boy tajribaga ega ekani, o‘tgan davrda shu lavozimdagi samarali faoliyati natijasida mamlakatimizda xotin-qizlar, bolalar huquqlarini taʼminlash va ularning qonuniy manfaatlarini himoya qilish bo‘yicha vaziyat sezilarli ravishda yaxshilangani taʼkidlandi.
Sodiq Safoyev Senat raisining birinchi o‘rinbosari lavozimiga tayinlandi. Amanbay Orinbayev Senat raisining o‘rinbosari lavozimiga saylandi. Senatorlar nomzodlarni bir ovozdan qo‘llab-quvvatladi.
Prezident senatorlar tomonidan Senat raisi va uning o‘rinbosarlari etib saylangan Tanzila Norboyeva, Sodiq Safoyev, Amanbay Orinbayevni ularga bildirilgan yuksak ishonch bilan tabriklab, ularning kelgusi faoliyatida yutuq va muvaffaqiyatlar yor bo‘lishini tiladi.
Izoh (0)