Ўзбекистон Конституциясининг 33 йиллиги муносабати билан Тошкент—Бухоро—Тошкент йўналишида янги поезд қўйилиши режалаштирилган, деб хабар бермоқда “Ўзтемирйўлйўловчи” матбуот хизмати.
Маълум қилинишича, мазкур дизель поезди “Тошкент йўловчи вагонларини қуриш ва таъмирлаш заводи” АЖ ва “Ўзтемирйўлйўловчи” АЖ шартномаси асосида қурилган бўлиб, таркиби 12 та вагондан иборат. Бунда 2 та VIP, 4 та бизнес, 4 та эконом, 1 та ресторан ва 1 та дизель вагонлари бор (бизнес-класс ўриндиқлари йўналиш бўйича ўзгаради). Ҳозирда поезд мазкур йўналишда синовдан ўтказиш жараёнида.
Поезд ҳаракат вақти 6 соатдан иборат бўлиб, 592 километр масофани босиб ўтади. Янги дизель поезди синови якунлангач, яқин кунларда йўловчиларга фойдаланиш учун топширилади.
Қайд этилишича, вагонлар афзалликлари уларнинг қулайлигидан ташқари, ёзда совитиш тизими бошқа вагонлардан фарқли равишда улар тўхтаб турганда ҳам ишлашда давом этади.
Бундан аввал 2025 йилнинг ёзидан Тошкентдан Иссиқкўлга поезд қатнови йўлга қўйилиши ҳақида хабар берилганди.
Ўзгалар парваришига муҳтож бўлган ёлғиз яшовчи ҳамда ёлғиз кексалар ва ногиронлиги бўлган шахслар реестрига киритилган шахсларга темирйўл транспорти учун бир йилда бир марта бепул чипталар берилади.
Изоҳ (0)