Наманган шаҳридан Поп туманидаги туризм манзилларидан бири бўлган Чодак қишлоғига поезд қатнови йўлга қўйилди. Бу ҳақда “Дарё” мухбири Азизбек Абдувалиев хабар бермоқда.
Президентнинг жорий йилги Наманганга ташрифи давомида вилоятнинг тоғли ва хушманзара ҳудудларида туризмни ривожлантириш, сайёҳларга қулайлик яратиш учун авиа ва темирйўл қатновларини кўпайтириш зарурлиги кўрсатиб ўтилганди.
16 май куни Наманган—Чодак—Наманган йўналишдаги илк поезд Наманган шаҳридан Чодак қишлоғи томон йўл олди. Вилоят нуронийларидан иборат катта гуруҳ ушбу поезднинг илк йўловчилари бўлди.
Поезд Чодаккача уч соатда етиб боради. Чипта нархи 12 минг сўм этиб белгиланган.
.jpg?_t=1715870883)
Изоҳ (0)