Манғистау–Нукус йўловчи поездида ёнғин чиққани сабаб ҳаракат бир соатга кеч келди. “Ўзбекистон темир йўллари” ҳолатга изоҳ берди.
Маълум қилинишича, 19 сентябрь куни Манғистау–Нукус йўловчи поезди йўналишида ҳодиса юз берди. Соат 14:47 да тепловознинг “Б” сексиясининг турбокомпрессоридан учқун чиқа бошлади, бу эса вагонлараро туташувларда махсус резина пластиналарнинг (суфле) ёнишига олиб келди.
Машинист томонидан тепловоз ҳаракат таркибидан соат 14:50 да узилиб ёнғин бартараф қилинган ва соат 15:30 ҳаракатни давоми эттирган. Юқорида келтириб ўтилган ҳолат бўйича фуқароларга ва йўловчи вагонларига шикаст етмаган.
Ёнғин бартараф қилиниб, соат 15:30 да ҳаракатни давом эттирган. Йўловчи поезд Нукус станциясига соат 16:23 кириб келган (1 соат 3 дақиқа жадвалдан кеч кириб келган).
Ҳодиса натижасида масъул шахсларга нисбатан интизомий чоралар кўрилди ва қолган локомотивлар ёнғин хавфсизлиги бўйича такрорий текширувлардан ўтказилди. Ҳозирда локомотив таъмирланиб, фойдаланишга тайёр.
Нукусдан Қозоғистоннинг Манғистау вилоятига мазкур поезд қатнови 22 августдан йўлга қўйилган эди. Оралиқ масофа салкам 21 соатни ташкил этади.
Изоҳ (0)