Республика ҳудудининг катта қисмида 19 ноябрь куни ёмғир ёғади (шимоли-ғарбий, шарқий ва республиканинг энг чекка жанубий ҳудудларидан ташқари). Бу ҳақда “Ўзгидромет” хабар берди.
Маълум қилинишича, 20 ноябрь куни фақат Фарғона водийси вилоятларида ёмғир ёғиши кутилмоқда. Ҳарорат кечалари 3-8 даража илиқ, кундуз кунлари 13-18 даража илиқ бўлади.
21—22 ноябрь кунлари республиканинг айрим ҳудудларида ёмғир ёғиши мумкин. Ҳаво ҳарорати деярли ўзгармайди. Шамол йўналиши бир оздан ўртача тезликкача ўзгариб туради, 21—22 ноябрда шимолда ва чўл ҳудудларда 13-18 м/с гача кучаяди.
Тоғолди ва тоғли ҳудудларда 18—22 ноябрда вақти-вақти билан ёғингарчилик (ёмғир, қор) бўлади, 19—20 ноябрда баъзи жойларда кучли бўлиши мумкин.
Тошкент шаҳрида эртага, 19 ноябрь куни вақти-вақти билан ёмғир ёғади. 20—21 ноябрда бир оз ёмғир ёғиши мумкин, 22 ноябрда ёғингарчилик кутилмайди.
Ҳарорат асосан кечлари 5-8 даража илиқ, кундуз кунлари 13-18 даража илиқ бўлади. Шамол шарқдан 5-10 м/с тезликда эсади.
Изоҳ (0)