Respublika hududining katta qismida 19-noyabr kuni yomg‘ir yog‘adi (shimoli-g‘arbiy, sharqiy va respublikaning eng chekka janubiy hududlaridan tashqari). Bu haqda “O‘zgidromet” xabar berdi.
Maʼlum qilinishicha, 20-noyabr kuni faqat Farg‘ona vodiysi viloyatlarida yomg‘ir yog‘ishi kutilmoqda. Harorat kechalari 3-8 daraja iliq, kunduz kunlari 13-18 daraja iliq bo‘ladi.
21—22-noyabr kunlari respublikaning ayrim hududlarida yomg‘ir yog‘ishi mumkin. Havo harorati deyarli o‘zgarmaydi. Shamol yo‘nalishi birozdan o‘rtacha tezlikkacha o‘zgarib turadi, 21—22-noyabrda shimolda va cho‘l hududlarda 13-18 m/s gacha kuchayadi.
Tog‘oldi va tog‘li hududlarda 18—22-noyabrda vaqti-vaqti bilan yog‘ingarchilik (yomg‘ir, qor) bo‘ladi, 19—20-noyabrda baʼzi joylarda kuchli bo‘lishi mumkin.
Toshkent shahrida ertaga, 19-noyabr kuni vaqti-vaqti bilan yomg‘ir yog‘adi. 20—21-noyabrda biroz yomg‘ir yog‘ishi mumkin, 22-noyabrda yog‘ingarchilik kutilmaydi.
Harorat asosan kechlari 5-8 daraja iliq, kunduz kunlari 13-18 daraja iliq bo‘ladi. Shamol sharqdan 5-10 m/s tezlikda esadi.
Izoh (0)