Туркий давлатлар ташкилоти давлат раҳбарлари кенгашининг навбатдаги мажлиси якунида Бишкек декларацияси, Ўзбекистон ташаббуси билан ишлаб чиқилган Туркий дунё хартияси, шунингдек, ҳамкорликнинг устувор йўналишлари бўйича қатор келишувлар қабул қилинди. Бу ҳақда Президент мабуот хизмати хабар берди.
Шавкат Мирзиёев 2023 йил 3 ноябрида Остонада бўлиб ўтаётган Туркий давлатлар ташкилоти саммитида Туркий дунё хартиясини ишлаб чиқишни таклиф этганди.
“Ташкилот доирасида ўзаро ҳурмат, ишонч ва очиқлик тамойилларини мустаҳкамлаш, биргаликда турли тўсиқларни самарали енгиб ўтиш бош мақсадимиздир. Шу муносабат билан Туркий халқлар бирдамлигини, уларнинг буюк ўтмиши ва бой маданиятини, азалий қадриятларини ифода этадиган Туркий дунё хартиясини ишлаб чиқиш зарур, деб ҳисоблайман”, деган эди президент.
-99pmCwCk.jpg)
Ушбу ўзига хос рамзий қомусни соҳанинг етук олимлари ва экспертлар иштирокида тайёрлашни таклиф қилганди.
“Бугун ташкилотимизнинг тарихий ҳужжати — Туркий дунё хартиясининг қабул қилиниши қардош давлатлар ва халқларимиз ўртасида кучайиб бораётган кўпқиррали ҳамкорликнинг ёрқин ифодасидир. Аминманки, биз шу асосда Туркий дунёни янада жипслаштириш, унинг мавқеини ошириш, ўзаро манфаатли ва дўстона алоқаларимизни чуқурлаштириш, ҳамкорлигимизни янги босқичга кўтаришга эришамиз”, деди Шавкат Мирзиёев Бишкекдаги саммитда.
Изоҳ (3)
Айтмоқчи бўлганим, бу иттифоқда Кремль, Ереван ва Пекиннинг кўланкаси ҳам керак эмас.
Изоҳ қолдириш имконияти учун нашриётга рахмат!
Бу ҳужжат хайрли бўлсин. Туркий давлатлар иттифоқига фақат расмий давлат тили туркий бўлган давлатларгина аъзо бўлиши ва кузатув кенгашида иштирок этиши мумкинлиги қатъий белгилаб қўйилсин, илтимос.
Xartiya soʼzining maʼnosi qanday