Turkiy davlatlar tashkiloti davlat rahbarlari kengashining navbatdagi majlisi yakunida Bishkek deklaratsiyasi, O‘zbekiston tashabbusi bilan ishlab chiqilgan Turkiy dunyo xartiyasi, shuningdek, hamkorlikning ustuvor yo‘nalishlari bo‘yicha qator kelishuvlar qabul qilindi. Bu haqda Prezident mabuot xizmati xabar berdi.
Shavkat Mirziyoyev 2023-yil 3-noyabrida Ostonada bo‘lib o‘tayotgan Turkiy davlatlar tashkiloti sammitida Turkiy dunyo xartiyasini ishlab chiqishni taklif etgandi.
“Tashkilot doirasida o‘zaro hurmat, ishonch va ochiqlik tamoyillarini mustahkamlash, birgalikda turli to‘siqlarni samarali yengib o‘tish bosh maqsadimizdir. Shu munosabat bilan Turkiy xalqlar birdamligini, ularning buyuk o‘tmishi va boy madaniyatini, azaliy qadriyatlarini ifoda etadigan Turkiy dunyo xartiyasini ishlab chiqish zarur, deb hisoblayman”, degan edi prezident.
-99pmCwCk.jpg)
Ushbu o‘ziga xos ramziy qomusni sohaning yetuk olimlari va ekspertlar ishtirokida tayyorlashni taklif qilgandi.
“Bugun tashkilotimizning tarixiy hujjati — Turkiy dunyo xartiyasining qabul qilinishi qardosh davlatlar va xalqlarimiz o‘rtasida kuchayib borayotgan ko‘pqirrali hamkorlikning yorqin ifodasidir. Aminmanki, biz shu asosda Turkiy dunyoni yanada jipslashtirish, uning mavqeini oshirish, o‘zaro manfaatli va do‘stona aloqalarimizni chuqurlashtirish, hamkorligimizni yangi bosqichga ko‘tarishga erishamiz”, dedi Shavkat Mirziyoyev Bishkekdagi sammitda.
Izoh (0)