Франция 2024 йилги Олимпиада ўйинлари олдидан мисли кўрилмаган хавфсизлик чораларини амалга оширади, деб хабар берди ABC News 24 ноябрь куни. Париж ҳарбий губернатори генерал Кристоф Абаднинг сўзларига кўра, жаҳоннинг асосий спорт мусобақаси аввалидан жамоат тартибини ҳимоя қилиш учун 15 минг француз аскари сафарбар этилади.
Ушбу кучларнинг асосий қисми, яъни 10 мингга яқин ҳарбий хизматчилар Олимпиаданинг асосий мусобақалари бўлиб ўтадиган Париж ва унинг атрофида жойлаштирилади. Париж жануби-шарқида 5 минг ҳарбий хизматчи учун вақтинчалик лагер ташкил этилади. 15 000 кишилик контингентга шунингдек, транспорт ва муҳим объектларда терроризмга қарши патруллик қиладиган 7 000 аскар ҳам киради.
Бундан ташқари, аскарлар ва ҳарбий кемалар Франция пойтахтидан 15 минг километр узоқликда – Франция Полинезиясидаги Таити оролида сёрфинг бўйича Олимпия ўйинлари ўтказиладиган оролда жойлаштирилади.
Ҳуқуқ-тартибот органларининг ҳарбийлар иштирокидаги бундай кенг кўламли операциялари Францияда илгари ҳеч қачон кузатилмаган. Олимпиада ўтказиладиган биноларни аскарлар билан бир қаторда ўн минглаб полициячилар ва хусусий хавфсизлик компаниялари ҳам қўриқлайди. Олимпиада ўйинлари объектлари ҳаводан учувчисиз учар аппаратлар, ҳарбий қирувчилар, вертолётлар ва бошқа самолётлар томонидан “қўриқланади”.
Францияда қабул қилинган янги қонун хавфсизликни таъминлаш учун кузатув камералари ва сунъий интеллект тизимларидан фойдаланишга ҳам рухсат беради.
Аввалроқ Париж ўт ўчирувчилари 2024 йилги Олимпиада ўйинлари вақтида иш ташлаш ўтказиш билан таҳдид қилганди.
Изоҳ (0)