Туркиянинг Бейкоз шаҳри ҳокими Мурат Айдин ўзининг Instagram саҳифасида ажойиб видео билан бўлишди. Унда мушук боласи ҳоким елкасига чиқиб олади, мажлис ўтказаётган Мурат Айдин мушукни безовта қилмай, ўз ишида давом этади. Мушукнинг исми Белла бўлиб, у шаҳар муниципалитетида яшайди.
“Бу Белла билан мажлислар залидаги илк ва сўнгги учрашувимиз эди”, — деб ёзади ҳоким.
Аслида ушбу воқеага бир неча ой бўлган ва мушук анча улғайган. Мурат Айдин ижтимоий тармоқдаги хабарини 1 март куни нишонланадиган Халқаро мушуклар куни билан боғлаган эди.
2023 йил апрель ойида шунга ўхшаш воқеа Жазоирдаги масжидда содир бўлган эди: мушук ибодат қилаётган имомнинг елкасига чиқиб олганда, имом намоз ўқишда давом этган эди.
Изоҳ (0)