Хитойда янги касбларнинг расман пайдо бўлиши мамлакат Инсон ресурслари ва ижтимоий хавфсизлик вазирлигининг махсус баёнотида маълум қилинди.
“Рўйхатда жами 19 та элемент мавжуд. Уларнинг аксарияти рақамли иқтисодиёт ва янги саноат соҳаларига қаратилган”, деб ёзади South China Morning Post.
Янги касбларни тасдиқлаш Хитойда ўтган йилнинг охирида муҳокама қилина бошлаган, бироқ фақат 31 июль куни рўйхат расман эълон қилинган. Янги касблар қаторига онлайн-стример, ақлли автомобиль синов ҳайдовчиси, сунъий интеллектни қўллаш бўйича мутахассис, маданий ишлаб чиқаришни режалаштириш ва эксплуатация бўйича муҳандис, ақлли ишлаб чиқариш тизимлари маъмури ва биоинженерия бўйича техник киради.
“Янги касбларни яратиш иш ўринларини ривожлантириш, касб-ҳунар таълими ва ўқитишни йўлга қўйиш, ходимларнинг меҳнат стандартларини ошириш, бандлик ва тадбиркорликни рағбатлантиришда катта аҳамиятга эга”, дейилади Хитой Инсон ресурслари ва ижтимоий хавфсизлик вазирлиги расмий баёнотида.
Sinxua давлат ахборот агентлиги ҳам янгиликларни шарҳлаб, янги касбларни тан олиш “ушбу лавозимдаги одамларнинг иш жойида тажрибага киришиш ҳиссини ошириши”, бу уларга “миллий сиёсатнинг тегишли имтиёзларидан фойдаланиш” имконини бериши мумкинлигини айтган.
Онлайн-стриминг Хитойда ҳақиқатан ҳам жадал ривожланмоқда. Турли хил маҳсулотларни жонли эфирда сотиш айниқса машҳур бўлган. Нашрнинг таъкидлашича, касб меҳнат бозорига сезиларли таъсир кўрсатмоқда.
Изоҳ (0)