Хитой ҳукумати хорижликларга мамлакатдаги болаларни асраб олишни тақиқлади. Бу ҳақда Ташқи ишлар вазирлиги хабар берди.
Вазирлик расмийси Мао Ниннинг аниқлик киритишича, ягона истисно қон-қариндош бўлган шахслар томонидан фарзанд ёки ўгай фарзандни асраб олиш ҳолатлари учун қўлланилади. У бу қарорнинг сабабларини тушунтирмади ва бу тегишли халқаро конвенциялар руҳига мос келишини айтди.
Таъкидланишича, ўнлаб йиллар давомида хорижликлар Хитойга келиб, маҳаллий болаларни асраб олган ва кейин ўз ватанларига олиб кетган. Ушбу амалиёт коронавирус пандемияси даврида вақтинча тўхтатилди, аммо кейинчалик чет элликлар томонидан фарзанд асраб олишга яна рухсат берилди. Энди эса бутунлай тақиқланмоқда.
АҚШ консуллиги 2022 йилнинг октябридан 2023 йилнинг сентябригача бўлган 12 ой ичида Хитойдан фарзанд асраб олиш учун 16 та виза берган.
Изоҳ (0)