Британия қироли Чарльз III нинг кенжа ўғли — шаҳзода Гарри Нью Йоркда бўлиб ўтган хайрия тадбирида нутқ сўзлади. У иқлимнинг ўзгариб бораётгани ва ижтимоий тармоқларнинг салбий таъсири туфайли 5 ёшли ўғли Арчи ва 3 ёшли қизи Лилибетнинг келажаги ҳақида хавотир олаётганини айтди. Бу ҳақда “Корреспондент.нет” хабар бермоқда.
Шаҳзода Гарри ташаббуси билан Ню-Ёркда бўлиб ўтган Иқлим ўзгариши ҳафталигида у Африканинг жанубий қисмида жойлашган Лесотони моддий жиҳатдан қўллаб-қувватлаш муҳимлигини таъкидлаб ўтди ва ўша мамлакатнинг расмий тили — сесотода нутқ сўзлади.
Шунингдек, шаҳзода Гарри 2024 йил 22 июлда дунё рекорд даражадаги энг иссиқ кунни бошидан кечирганини эслатиб ўтди: сайёрадаги ўртача ҳарорат 17,09 даража ёки Фаренгейт бўйича 62,76 даражани ташкил этган эди.
Травалйст хайрия жамғармасининг фаолияти Лесото ва Боцванада тиббий хизматлардан фойдаланиш имкониятини яхшилашга қаратилган.
Фото: Arabian Business
Бундан ташқари, шаҳзода Гарри ўзининг Травалйст хайрия тадбирида туризмнинг таъсири ҳақида айтиб ўтди:
“Мен саёҳат ва туризм ҳам фойдали, ҳам зарарли бўлиши мумкинлигини тушундим. Ушбу соҳадан қандай мақсадларда фойдаланганга қараб ёки улкан фойда келтиради, ё диққатга сазовор жойлар ва аҳолига катта зарар келтиради”, деди у.
Шаҳзода Гаррининг Нью Йоркка сафари саккиз кун давом этади, унинг рафиқаси Меган ва фарзандлари эса Калифорниянинг Монтесито шаҳридаги уйда қолган.
Изоҳ (0)