Уэлс маликасининг укаси Жеймс Миддлтонга бир миллион доллар эвазига ўз фильмида бош ролни ижро этишни таклиф қилишди. Бу ҳақда “Правила жизни” нашри хабар берди.
2011 йилда Вестминстер аббатлигида ўтказилган, “Аср тўйи” дея ном олган, Кембриж герцоги ва герцогиняси тўй маросимида Жеймс алоҳида нутқ сўзлаган. The Sunдай Тимес нашри маълум қилишича, Америка продюсерлик компанияси тўйдан кейин у билан боғланган.
Кейт Миддлтоннинг укаси “Танишинг, ҳаётимни сақлаб қолган ит — Элла” номли китоб муаллифи сифатида танилган. Асар Жеймсга оғир депрессияни енгишда унинг ити қандай ёрдам бергани ҳақидадир.
Жеймс Миддлтонга дислексия (умумий ўрганиш қобилиятини сақлаб қолган ҳолда ўқиш ва ёзиш кўникмаларини эгаллашда қийналиш) ташхиси қўйилган. Шунинг учун энг бадавлат, обрў-эътиборли кишилар таклиф этилган мамлакатдаги энг шов-шувли ушбу тўйда нутқ сўзлаш қийин бўлган.
“Продюсерлик компанияси ҳатто менинг оила аъзоларим ҳам фильмда иштирок этишга қизиқиш билдиради, дея тахмин қилишди”, деб эслайди Жеймс.
Жеймс Миддлтон бундай кенг кўламли тадбирда Инжилдан парча ўқишга қарор қилганини қуйидагича тушунтирди:
“Ҳаётимда бирор марта бундай ҳашаматли тўйларда иштирок этмаганман. Аввалига ушбу тадбир кўлами мен ўйлагандан ҳам анча кенг эканлигини тушунмаганман. Аммо опамнинг энг муҳим кунида уни қўллаб-қувватлашим лозим эди. Кейт мендан нутқ сўзлашни илтимос қилди, мен эса бундай шарафни рад эта олмасдим”, деди Уэлс маликасининг укаси.
Ўтган ҳафтада Кейт Миддлтон саратон касаллигидан даволаниш муолажалари тугаганидан сўнг қироллик вазифаларини бажаришга қайтди. Аввалроқ Уэлс маликаси эркаклар ўртасида бўлиб ўтган Уимблдон теннис ўйинлари финалига ташриф буюрган эди.
Изоҳ (0)