Тошкент шаҳар Сергели туманида тиланчилик учун ўзининг 10 ёшли ўғлидан фойдаланган эркак қамалди. Бу ҳақда ИИББ хабар берди.
Келтирилишича, эркак ўзининг ўн ёшли фарзандини кўчага тиланчилик учун чиқариб, кузатиб турган вақтида ходимлар томонидан ички ишлар бўлимига олиб кетилган.
“Ўғлим тиланчилик қилган. Ҳолат бошқа такрорланмайди”, дейди ота.
Ушбу шахсга нисбатан Жиноят ишлари бўйича Сергели туман суди томонидан ўн сутка маъмурий қамоқ жазоси, БҲМнинг бир баробари миқдорида жарима жазоси тайинланди.
Бундан аввал Тошкент шаҳар Юнусобод ва Янгиҳаёт туманларида тиланчилик қилган шахсларга нисбатан қонуний чора кўрилган эди. Шунингдек, Тошкентнинг Учтепа туманидаги масжидлар атрофи ва чорраҳаларда ўтказилган рейд давомида тиланчилик билан шуғулланиб юрган 26 нафар аёл аниқланган эди.
Изоҳ (2)
Undan koʻra ish topib berib ishlat bolasini boqsin . Uzi puli yoʻqligidan tilanchilikka bolasini chiqargan bosa. Yana shtraf qlishibti. Qaysi kallasi bilan shtraf qilishibti.. bular faqat qanaqa qlib halqni shilsam deyishadi. Yordam berish degan narsa yoʻq.
Bechorani boriniyam shilib olishgin shtraf qlib . Bola oʻrtada qiynaladi. Dadasi shtraf toleman dib yana tilanchilikka chiqaradimi. Halqni oxirgi tomchisigacha shilib olmasa koʻngli toʻlmedi bularni.