Тошкент вилоятининг Паркент туманида Олий суд, АОКА, Миллий масс-медиани қўллаб-қувватлаш ва ривожлантириш жамоат фонди ҳамда USAID ҳамкорлигида “Оммавий ахборот воситаларида судлар фаолиятини ёритиш: қонун талаби ва масъулиятли ёндашув” мавзусида семинар-тренинг бўлиб ўтмоқда. Бу ҳақда семинарда иштирок этаётган “Дарё” журналисти хабар берди.
Мазкур семинар-тренингнинг аввалгиларидан фарқли томони шундаки, бугунги тадбирда Олий суд раиси ўринбосари, АОКАнинг Тошкент вилояти бошқармаси бошлиғи, Олий суд ахборот хизмати, вилоят ҳамда Тошкент шаҳар суди ахборот хизмати раҳбарлари ҳам қатнашиб, ОАВ вакиллари саволларига шахсан жавоб қайтариши кутилмоқда.
Тадбирда ОАВ вакиллари саволларига жавоб қайтарган Олий суд ахборот хизмати раҳбари Азиз Абидов куни кеча ижтимоий тармоқлар орқали видеочиқиш қилиб, Олий суд раисига мурожаат йўллаган ва суд унинг даъвосини кўриб чиқмаётганини айтган фуқаро ҳақида ҳам гапирди.
Масъулнинг тушунтиришича, мурожаатчи иши судда кўриб чиқилиши учун лозим бўлган давлат божини тўлашдан бош тортиб, буни интернет орқали чиқиш йўли билан текин кўрилишига эришмоқчи бўлган.
-TC7g5P6u.jpg)
Суд меҳр-саховат ташкилоти эмаски, ҳамманинг аризасини бепул, давлат божисиз кўрилишини таъминлайдиган. Бу қонун билан белгиланган тартиб, даъвогар Фуқаролик судига мурожаат қиляптими, даъво талаби кўриб чиқилиши учун давлат божини тўлаши керак бўлади. Буни адвокат-ҳуқуқшунослар ҳам қўллаб видеони тарқатиши жуда ачинарли ҳолат, дейди Олий суд ахборот хизмати раҳбари.
Изоҳ (0)