Сўнгги йилларда Ўзбекистонда пластик жарроҳлик тобора ривожланмоқда. Кимдир пластик операциядан кейинги ёки турли жароҳатлар оқибатидаги чандиқларни бартараф этиш учун фойдаланса, бошқалар бурни, кўзи ҳамда бошқа аъзоларининг шаклини ўзгартириш мақсадида фойдаланади. Ўзбек шоу-бизнеси вакиллари орасида ҳам чиройли ташқи кўринишга эга бўлиш учун пластик операция қилдирганлар кам эмас.
Лола Йўлдошева
Лола Йўлдошеванинг ташқи кўринишига қараб ҳеч ким 37 ёшни қаршилагани ва уч фарзандни дунёга келтирганига ишонмайди.
Айни дамда оиласи билан Москва шаҳрида истиқомат қилаётган Лола Йўлдошева март ойида пластик жарроҳлик амалиётини бошидан ўтказди. У гўзал бўлиш учун асли ўзбекистонлик, аммо Москвада фаолият юритаётган машҳур пластик жарроҳ Тимур Ҳидировга мурожаат қилди. Хонанда Instagram саҳифасига шифокор билан тушган суратини жойлади ва учинчи туғуруқдан кейин маммопластика қилдиришга қарор қилганини айтиб ўтди.
Рухшона
Март ойида 28 ёшни қаршилаган хонанда Рухшона туғуруқдан кейинги осилган қоринни пластик жарроҳлик йўли билан олдирди. Аммо у бошқа ижодкорлар сингари жарроҳлик учун хориждаги машҳур клиникаларни танламади. У Бухорога бориб, жарроҳлик амалиётини бошдан ўтказди.
— Буни анчадан буён режа қилгандим. Чунки осилган қорин терисини ҳеч қандай муолажа билан йўқотиб бўлмайди. Натижадан кўнглим тўқ, жарроҳлик амалиёти тўрт соат давом этган бўлса-да, оғриқ сезмадим, — дейди хонанда Рухшона.
Хонанда шу йилнинг 13 апрель куни яна жарроҳлик амалиётини бошидан ўтказди. Бу сафар липосакция ва маммопластика амалиётларини қилдирди.
Муниса Ризаева
Хонанда Муниса Ризаева шу кунгача фақатгина 2 марта жарроҳлик амалиётини бошидан ўтказганини маълум қилган. Аввалига ингичка лабининг шаклини, ундан сўнг ринопластика билан боғлиқ мураккаб жарроҳлик амалиётини қилдиришга қарор қилган. У интервьюларида аввалги «собиқ» бурни кадрда хунук кўрингани ва унга ноқулайлик туғдирганини яширмайди.
Дилфуза Исмоилова
— Гўзаллик учун қовоқларимни олдирмаганман. Ўшанда қовоғимга яра чиқиб, қаттиқ оғриқ қолганди. У бир неча кунда катталашиб, кўзимни очолмай қолгандим. Шундан сўнг шифокорлар қовоқларимни олдиришни маслаҳат беришди. Жарроҳликдан сўнг кўз шаклим ҳам ўзгарган. Аммо бу ўзгариш менга жуда ярашган, — дейди хонанда Дилфуза Исмоилова.
Ҳосила Раҳимова
Ўзбекистонда хизмат кўрсатган артист Ҳосила Раҳимова интервьюларининг бирида 2012 йилда қовоқ билан боғлиқ пластик жарроҳлик амалиётини Туркияда амалга оширган. Бу фақат гўзаллик учун эмас, соғлиги учун ҳам зарур бўлганини айтади.
Манзура
Хонанда Манзура ҳам икки марта пластик жарроҳлик амалиётини қўллаб кўрган. У илк марта қовоқларини олдирган. Ундан сўнг эса лабининг шаклини ҳам ўзгартирган. Шоу-бизнес вакиллари хонанда қоматига ҳам жиддий ўзгартириш киритганини тахмин қилишади. Аммо хонанда бу ҳақда бирор марта маълумот бермаган.
Мавзуга доир:
- Омадсиз ринопластикадан азият чеккан юлдузлар (фото)
- Виктория Бекҳэм, Деми Мур ва пластик операциялар сабаб кўриниши сезиларли даражада ўзгарган бошқа юлдузлар
- Туркиянинг машҳур актрисалари пластик операциядан аввал ва кейин (фото)
- Моника Беллуччи, Салма Хаек ва ҳеч қачон пластик операцияга мурожаат қилмаган машҳурлар (фото)
Изоҳ (0)