Bu O‘zbekiston saylov tarixidagi eng yuqori ko‘rsatkichdir. Bugun Markaziy saylov komissiyasining majlisida Qonunchilik palatasi deputatligiga siyosiy partiyalar tomonidan ko‘rsatilgan nomzodlarni ro‘yxatga olish va saylovoldi tashviqotiga oid masalalar ko‘rib chiqildi.
2024 yilgi saylovlarda siyosiy partiyalar yoshlar va ayollar ishtirokini oshirishga katta e’tibor qaratmoqda. Qonunchilik palatasiga nomzodlar orasida 44,7 foizi ayollarni tashkil etmoqda. Shuningdek, nomzodlarning o‘rtacha yoshi 47,2 yoshni tashkil qiladi, va ularning 44,2 foizi 45 yoshgacha bo‘lganlardir.
Bu yilgi saylovlarda partiyalar inklyuzivlik masalasiga ham alohida urg‘u berganligi ma’lum bo‘ldi. Jumladan, nogironligi bo‘lgan shaxslar orasida 11 nafari Qonunchilik palatasiga, 605 nafari esa mahalliy kengashlarga nomzod sifatida ro‘yxatga olingan. Bu jarayon orqali partiyalar jamiyatdagi barcha qatlamlarning manfaatlarini aks ettirishni maqsad qilgan.
Shuningdek, bu yilgi nomzodlarning 99,3 foizi oliy ma’lumotli bo‘lib, ularning aksariyati iqtisodchi, pedagog, muhandis, shifokor va huquqshunoslardan iborat. Har bir nomzod o‘z sohasida katta tajribaga ega bo‘lib, kelajakda davlat boshqaruvida samarali ishtirok etish salohiyatiga ega.
Qoraqalpog‘iston Respublikasi Jo‘qorg‘i Kengesi, Xalq deputatlari viloyatlar, Toshkent shahar hamda tumanlar (shaharlar) Kengashlariga har bir partiyadan ro‘yxatga olingan deputatlik mandati uchun jami 28 475 nafar nomzodlar kurash olib boradi.
Partiyalar tomonidan ilgari surilayotgan inklyuziv siyosat, nogironligi bo‘lgan shaxslarni ham deputatlikka nomzod sifatida ko‘rsatishi, mamlakatda ijtimoiy adolat va barcha fuqarolar uchun teng imkoniyatlar yaratish yo‘lida katta qadam hisoblanadi.
Izoh (0)