Россия-Украина урушида ҳалок бўлган ва яраланганлар сони бир миллион кишига етди. Бу ҳақда Украина манбалари ва Ғарб разведкасига таяниб, The Wall Street Journal хабар берди.
Украина ҳисоб-китобларига кўра, Украина Қуролли кучларида ҳалок бўлганлар сони 80 минг ҳарбий хизматчини, ярадорлар сони эса 400 мингни ташкил этган. Россия армиясининг қурбонлари сони турлича; Айрим маълумотларда ҳалок бўлганлар сони 200 минг кишига, ярадорлар сони эса 400 мингга яқин экани айтилмоқда. Йўқотишларни ҳисоблаш қийин: ҳеч бир томон расмий маълумотларни эълон қилмайди.
The Wall Street Journal кўп сонли йўқотишларни Россия учун муаммо деб атайди. Аммо Украина аҳолисининг бир неча баравар камлигини инобатга олса, бу ҳам катта зарар ҳисобланади.
Бундан ташқари, катта йўқотишлар урушдан олдин аҳолининг қисқариши билан курашаётган, асосан, иқтисодий ва ижтимоий тартибсизликлар билан боғлиқ бўлган иккала давлат учун узоқ муддатли оқибатларга олиб келади.
Изоҳ (0)