Машҳурларнинг уй ҳайвонлари оиланинг тўлиқ аъзоси бўлиб, у ўз эгаси билан бир хил имтиёзларга эга: туғилган кунларни нишонлаш, ҳашаматли салонларига ташриф буюриш, шахсий “сартарош”га бориш, юқори сифатли таомларни истеъмол қилиш шулар жумласидан.
Опра Уинфри
Америкалик телебошловчи итларни яхши кўради, унинг Седи, Санни ва Лорен лақабли кучуклари бор. Бунгача журналистда голден-ретривер ва спаниэл зотлари ҳам бўлган.
“Ҳаётдаги асосий устозларимдан бири бу — итим Софи. У 13 йил яшади, ҳар куни мен билан ишга борарди. У барча шоуларда, “Оскар”, “Эмми” олганимда ҳам, ҳомиламдан айрилганимда ҳам мени машинада кутиб турган. У вафот этганида ҳаётимда ҳеч ким мени ўша итчалик яхши кўрмаганлигини англадим”.
Айтганча, 2008 йилда у Софига бағишланган шоу яратган. Ҳозирда Уинфри уй ҳайвонларига бор меҳрини бериб, ғамхўрлик қилади. Журналист улар учун жамғарма ташкил қилган — ҳар бир итига 30 миллион доллардан ажратган.
Майли Сайрус
“Ханна Монтана” телесериалининг юлдузи ҳам ҳайвонларни яхши кўради. Майли итлар, мушуклар, денгиз чўчқачаларига ғамхўрлик қилади.
У тез-тез итлар билан сайрга чиқади, лекин машина ўриндиқларини ифлос қилгани сабабли қўшиқчи улар учун 160 минг долларлик Range Rover сотиб олган — энди улар хоҳлаган ишларини қилишлари мумкин. Шунингдек, юлдуз уй ҳайвонлари учун энага ёллаган, у гастролдалигида уларга қараб, жадвалга мувофиқ овқатлантиради.
“Ажойиб уй ҳайвонларим бор, улар билан вақт ўтказиш менга ёқади. Пианино чалганимда жониворларим бошларини эгиб, мени диққат билан тинглашади”.
Карл Лагерфелд
Лагерфелд немис мода дизайнери бўлиб, ҳеч қачон уйланмаган, фарзанди ҳам йўқ. Шунинг учун у бутун севгисини Бирма мушуги Шупетт (французчадан — карамча)га қаратган.
Ҳаётининг сўнгги йилларида мушуги унинг асосий илҳом париси бўлган. Бундан ташқари, мушук фотосессияларда иштирок этиб, эгасига 3 миллион евродан ортиқ даромад келтирган. Дизайнер мушуги ҳақида “Шупетт: парвоз қилаётган мода мушугининг шахсий ҳаёти” китобини ёзган ва у учун ижтимоий тармоқда шахсий аккаунт очган.
Мушуги учун Карл шахсий самолёт, у ўйнашни яхши кўрадиган планшет сотиб олган, у учун махсус техник ходимлар ёллаган. Дизайнернинг ўлимидан сўнг бутун бойлигини мушуги номига ўтказгани маълум бўлди.
Ариана Гранде
Америкалик қўшиқчи ва “Гремми” мукофоти совриндори битта уй ҳайвони билан чекланмайди. Унинг қарамоғида денгиз чўчқаси Пигги, Туяқуш лақабли терер, Синеман лақабли питбул, Тулуза лақабли чиҳуаҳуа ва Пигноли, Офелия ва Сириус лақабли лабрадудлар бор.
Ариана келажакда яна бир нечта уй ҳайвонлари олишни режалаштирмоқда. Итларнинг ҳар бирига шахсий ёрдамчи ёллаган. Жониворлар кўпинча у билан бирга — йирик авиакомпаниянинг биринчи синфидаги шахсий самолётда учишади.
Айтганча, Пиггига учта ёрдамчи ғамхўрлик қилади. Улар ҳар куни денгиз чўчқачасининг қорнини массаж қилади ва тушдан кейин газак қилиш учун уни ноз-неъматлар билан эркалайди.
Изоҳ (0)