Исроилнинг Ғазо сектори жанубидаги Хон-Юнис ҳудудига уюштирган зарбаси оқибатида камида 40 киши ҳалок бўлди ва 60 киши яраланди. Бу ҳақда BBC хабар берди.
Ҳужум кўчирилганлар жойлашган Ал-Маваси чодир лагерида содир этилган, 15 киши бедарак йўқолган. Исроилнинг даъвосига кўра, ҳужум ҲАМАС жангчиларининг қўмондонлик марказига қаратилган.
Зарбалар оқибатида чуқурлиги 7 метрга етган учта чуқурлик пайдо бўлган ва уларда 20 дан ортиқ чодир кўмилиб қолган, дейди хайрия кўнгиллиси Холид Маҳмуд.
Ғазо фуқаро мудофааси вакили Маҳмуд Бассалнинг сўзларига кўра, Ал-Маваси ҳудудида жами 200 дан ортиқ чодир бўлган, 20 тадан 40 тагача чодир вайрон қилинган. Лагерда яшаган фаластинликлар ҳужум ҳақида олдиндан огоҳлантирмаган.
Исроил армияси ўз ҳужумини ҲАМАС жангчилари нишонга олинган дея оқлаб, қуйидагича муносабат билдирган.
Ғазо секторидаги террористик ташкилотлар Исроил давлати ва армиясига қарши террорчилик фаолиятини амалга ошириш учун фуқаролик ва гуманитар инфратузилмани, шу жумладан белгиланган гуманитар зонани мунтазам равишда суиистеъмол қилишда давом этмоқда, дейилади баёнотда.
Ўз навбатида, ҲАМАС вакиллари жангчилари зарба жойида бўлмаганини маълум қилди.
Босқинчи ҳокимиятнинг лагерда қаршилик кўрсатиш жангчилари бўлгани ҳақидаги иддаолари — ёлғон, дейилади ҲАМАС баёнотида.
Изоҳ (0)