Тошкентда криминоген вазият барқарорлигини таъминлаш мақсадида ўтказилаётган махсус-тезкор тадбирлар давомида 38 нафар шахсга нисбатан жиноят ишлари қўзғатилди. Бу ҳақда пойтахт ИИББ бошлиғи ўринбосари Дониёр Тошхўжаев иштирокида ўтказилган матбуот анжуманида маълум қилинди.
Қайд этилишича, 27 ноябрь кунидан бошлаб Тошкент шаҳрида криминоген вазият барқарорлигини таъминлаш мақсадида, криминоген вазиятга салбий таъсир кўрсатувчи шахсларни жиноий фаолиятига чек қўйиш ҳамда қонун устуворлигини таъминлашга қаратилган махсус-тезкор тадбирлар амалга оширилмоқда.
Ўтказилган махсус-тезкор тадбирлар доирасида жами 38 та жиноят иши қўзғатилган. Гумонланувчилар орасида товламачилик, фирибгарлик, қурол, ўқ-дорилар, портловчи моддалар ёки портлатиш қурилмаларига қонунга хилоф равишда эгалик қилиш, гиёҳвандлик воситаларини сақлаш, безорилик каби моддалар билан айбланаётганлар бор.
Ушбу махсус тезкор-профилактик тадбир доирасида “Психотроп ва кучли таъсир қилувчи гиёҳванд воситаларини олдини олишга қаратилган” тезкор-профилактик тадбири ўтказиб келинмоқда. Ўтказилган тезкор тадбирлар натижасида,
- 135 та гиёҳвандлик моддаси ва 19 та психотроп воситаларнинг ноқонуний айланмасига чек қўйилган;
- 3 килограмм 895 гр гиёҳвандлик моддалари ва 10 878 дона кучли таъсир қилувчи гиёҳвандлик воситалари ҳужжатлаштириб олинган.
Натижада, 116 нафар шахсга нисбатан жиноят ишлари қўзғатилган.
Бундан аввал Тошкент шаҳрида “Саидазиз медгородок”, “Бахти Ташкентский” лақаби билан танилган шахслар ва яна уч киши қўлга олинганди. Шундан сўнг яна 10 киши жуда кўп миқдорда товламачиликда айбланиб ушланди, 6 декабрь куни яна 10 киши қўлга олингани хабар қилинди.
Изоҳ (0)