Британиялик технологик магнат Майк Линч Сицилия қирғоқларида кучли бўрон пайтида яхта чўкиб кетиши оқибатида бедарак йўқолди. Бу ҳақда The Guardian хабар берди.
![](/static/2024/08/20/photo_2024-08-20_09-08-23-lLDCgsfO.jpg)
Аутономй дастурий таъминот компанияси ҳаммуассиси, шунингдек, “Британия Билл Гейтси” номи билан танилган тадбиркор Байесиан елканли суперяхта бортида бўлган. Ҳалокат Портичелло шаҳри яқинида кузатилган. Кема йўловчилари рўйхатида 22 киши бўлиб, уларнинг аксарияти Буюк Британия фуқароларидир.
Ҳодиса оқибатида бош ошпаз ҳалок бўлгани айтилмоқда, яна олти киши, жумладан Линч ва унинг 18 ёшли қизи Ханна бедарак йўқолган ҳисобланмоқда. Қирғоқ қўриқлаш хизмати бедарак йўқолганлар Британия, АҚШ ва Канада фуқаролари эканини маълум қилган.
Айни пайтда 15 киши, жумладан, Линчнинг рафиқаси Анжела Бакарес қутқарилган. Линч вакили изоҳ беришдан бош тортган. Британия Ташқи ишлар вазирлиги расмийси Сицилиядаги воқеадан кейин жабрланганларга консуллик ёрдами кўрсатилаётганини айтган.
Ҳалокатга учраган Байесиан суперяхтаси 14 август куни Сицилиянинг Милацсо портидан чиқиб кетган ва охирги марта 18 август куни кечқурун Палермо шарқидаги радарларда “якорда” навигация мақоми билан пайдо бўлган. Қутқарилган 8 киши маҳаллий шифохоналарга етказилган. Уларнинг барчаси стабил ҳолатда.
Изоҳ (0)