2024 йил 27–29-сентябрь кунлари Билимни баҳолаш агентлиги томонидан инглиз ва араб тилларидан малака имтиҳонлари ўтказилади. Бу ҳақда Билим ва малакаларни баҳолаш агентлиги хабар қилди.
Имтиҳонларда иштирок этиш истагида бўлган талабгорлар 15 августдан бошлаб my.gov.uz сайти орқали рўйхатдан ўтишлари мумкин. 14 сентябрь рўйхатдан ўтишнинг сўнгги санаси ҳисобланади.
Малака имтиҳонида иштирок этиш учун талабгорлардан базавий ҳисоблаш миқдорининг 1,5 бараварида тўлов ундирилади.
15 сентябрь тўлов қилишнинг сўнгги муддати саналади.
Шунингдек, Билим ва малакаларни баҳолаш агентлиги чет тилларидан малака имтиҳонларининг 2024 йил 2-ярим йиллик учун жадвали тез кунларда эълон қилинишини айтиб ўтди.
Изоҳ (0)