Навоий вилояти Экология бошқармаси Учқудуқ туман бўлими, туман ИИБ, ЙҲХБ ходимлари билан ҳамкорликда навбатдаги назорат рейд тадбирлари ўтказилди. Бу ҳақда Эковазирлик матбуот хизмати хабар берди.
Маълум қилинишича, рейд давомида 8 августдан 9 августга ўтар кечаси соат 03:00 да Учқудуқ тумани кириш постида Nexia-2 автомашинаси тўхтатиб текширилди.
Натижада фуқаро Ҳ.Н. ва Ф.С.лар ов қуроллари билан 16 та ёввойи қуённи ов мавсуми бўлмаган вақтда ҳеч қандай рухсатномасиз овлаб олиб кетаётганлиги аниқланди.
Ҳолат бўйича ашёвий далиллар олиниб, автомашина вақтинчалик жарима майдонига жойлаштирилди ва 16 млн 320 минг сўм табиатга етказилган зарар белгиланди.
Иш юзасидан тўпланган ҳужжатлар суд органларига юбориш учун тайёрланмоқда.
Изоҳ (0)