Самарқанд вилоятининг Жомбой ва Наманган вилоятининг Уйчи туманларида электр тармоқларига ноқонуний уланиш ҳолатлари фош этилди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, департаментнинг Жомбой туман бўлими томонидан ўтказилган терговга қадар текширувда “Б.К.” МЧЖ иш бошқарувчиси И.П. қуввати 12 кВт/соат бўлган сув насосини электр тармоғига тўғридан тўғри яширин йўллар билан улаб, жами 121,1 млн сўмлик электр энергиясидан ноқонуний фойдаланиб келгани аниқланган.
Шу каби, департаментнинг Уйчи туман бўлими томонидан ўтказилган терговга қадар текширувда фуқаро И.О. умумий овқатланиш шохобчаси сифатида фойдаланиб келаётган нотурар бинода умумий фойдаланишдаги электр тармоғига ўзбошимчалик билан уланиб, жами 97,6 млн сўмлик электр энергиясидан ноқонуний фойдаланиб келгани аниқланган.
Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)