Афғонистоннинг Қандаҳор шаҳридаги тўқимачилик фабрикаси АҚШ ва унинг иттифоқчилари Афғонистонда олиб бораётган уруш туфайли юзага келган 18 йиллик танаффусдан сўнг фаолиятини қайта тиклади.
“Толибон”нинг Маданият ва ахборот департаменти маълумотларига кўра, 3 мингта машинадан ҳозирда 400 га яқини Соғлиқни сақлаш, Мудофаа ва Ички ишлар вазирликлари эҳтиёжлари учун тикувчилик учун, қолган 2,6 мингтаси эса очиқ тижорат мақсадларида фойдаланиш учун мўлжалланган бўлиб, деярли 14 минг нафар ишчи талаб қилади.
Афғонистоннинг биринчи президенти Муҳаммад Довуд қўл остида очилган завод йилига 7692 тонна пахтани қайта ишлаш ҳамда йилига 41 миллион метр мато ишлаб чиқариш қувватига эга 2 та цехни ўз ичига олади, дейилади хабарда.
Ушбу завод 1977 йилда совет ва немис компаниялари томонидан қурилган, аммо 2006 йилда АҚШ билан уруш туфайли ишлаб чиқариш тўхтатилган.
Ўнлаб бошқа заводлар ҳам худди шундай тақдирга дуч келган, бироқ 2021 йилда “Толибон” ҳукумати ҳокимиятга келганидан кейин ишлаб чиқариш аста-секин тикланган. Хусусан, Кобулдаги “Сило-э-Маркази” давлат новвойхонаси 30 йиллик танаффусдан сўнг икки йил аввал ишлаб чиқаришни қайта тиклаган.
Изоҳ (0)