Австралия полицияси 2 август куни АҚШдан олиб келинган 538 миллион доллар қийматдаги наркотик моддаларни ушлаб қолган. Бу ҳақда Reuters нашри хабар берди.
Манбада айтилишича, қонунбузарлар наркотик моддаларни саноат техникалари ичига яшириб олиб ўтиш уринган. Бироқ божхона пунктида янги ўрнатилган қурилмалар номаълум моддалар борлигини кўрсатган.
Тинтув давомида жами қиймати 828 миллион Австралия доллари (538 миллион АҚШ доллари) га тенг бўлган метамфетамин моддаси аниқланган. Барча наркотик моддалар йиғиб олинган ва рўйхатдан ўтказилган.
Наркотик модданинг умумий ҳажми 900 килограмм атрофида бўлган. Юкларни 31 ёшли Сиднейда яшовчи фуқаро олиб ўтишга уринган. Фуқаронинг шахси аниқланиб, божхона пунктининг ўзида ҳибсга олинган.
Полиция хабар беришича, мусодара қилинган моддалар Сиднейдаги мебел дўконига юборилиши керак бўлган. АҚШ Ички хавфсизлик департаментининг аноним манбасидан олинган тавсия ва разведка маълумотларига асосида Австралия божхона назорати ходимлари олдиндан наркотик жўнатма ҳақида маълумотга эга бўлган.
Изоҳ (0)