Хитойнинг марказий Хунан провинциясида “Гаэми” супертўфони оқибатида 30 киши ҳалок бўлди, яна 35 киши бедарак йўқолди.
Бу ҳақда Хитой марказий телевидениеси маълум қилди.
Маълумотларга кўра, минтақада қидирув-қутқарув ишлари фаол давом этмоқда.
Супертўфон рўй берган ҳудудларда транспорт ҳаракати, электр таъминоти ва маҳаллий телекоммуникация тармоғи тикланган.
25 июль куни “Гаэми” супертўфони Филиппинда сув тошқинлари келтириб чиқаргани, оқибатда эса 20 дан ортиқ киши ҳалок бўлгани ва 15 киши жароҳатлангани хабар берилганди.
Изоҳ (0)