52 ёшли америкалик Кристофер Данн 34 йил ҳибсда ўтиргач, қамоқдан озод этилди. CBS телеканалига кўра, у айбсиз деб топилган ва ундан барча айбловлар олиб ташланган.
1990 йил 18 майга ўтар кечаси 15 ёшли Рикко Рожерс Миссури штатининг Сент Луис шаҳрида дўстлари билан кўчада юрганида отиб ўлдирилган. Дўстларидан икки нафари Даннга қарши гувоҳлик берган. Кейинроқ гувоҳлардан бири Кристоферга кўча тўдасидаги рақиби бўлгани учун туҳмат қилганини тан олган. Иккинчиси ўз кўрсатмаларини бир неча бор ўзгартирган ва кейинчалик ўқ отган Данн эканлигини аниқ кўрмаганини тан олган.
Айбланувчининг ўзи жиноят вақтида онасининг уйида бўлганини айтган. Унинг танишларидан бири у билан ўша пайтда онасининг стационар рақамини терган ҳолда телефонда гаплашганини тасдиқлаган. Аммо суд Данни айбдор деб топган.
2024 йил 22 июлда туман суди Данни зудлик билан қамоқдан озод қилишни буюрган. Аммо Миссури бош прокурори эътироз билдирган ва эркак панжара ортида қолган. Иш штат Олий судига етиб боргач, эркакни озод қилиш кераклигини тасдиқлаган. Даннинг ўзи озодликнинг бир ҳафталик кечикишини “қийноқ” деб атаган.
Икки ҳафта олдин Миссури штатида 64 ёшли Сандра Ҳемме айбсиз деб топилган эди. У 43 йил умрини панжара ортида ўтказган.
Изоҳ (0)