Ижтимоий тармоқларда Тошкент кўчаларида ҳали балоғат ёшига етмаган қизчага машина бошқартираётган онанинг видеоси тарқалди. Ҳолат юзасидан Йўл ҳаракати хавфсизлиги хизмати изоҳ берди.
Маълум қилинишича, Тошкент шаҳар ИИББ ЖХХ ЙҲХБ ходимлари томонидан суриштирув ишлари олиб борилиб, вояга етмаган фарзандига автомобиль бошқарувини топширган онага нисбатан тегишли тартибда маъмурий баённома расмийлаштирилган.
Автомашина вақтинча сақлаш учун жарима майдонига қўйилди.
“Барча ота-оналардан вояга етмаган, ҳайдовчилик гувоҳномасига эга бўлмаган фарзандларига автомобиль бошқаришга рухсат бермасликларини, уларга доимо йўлларда қоидаларга риоя этишни ўргатиб боришларини сўраймиз”, дейилади хабарда.
Изоҳ (0)