Тошкент шаҳри Учтепа туманида тадбиркорнинг 2 млрд сўмини қўлга киритган шахслар аниқланди. Бу ҳақда Бош прокуратура ҳузуридаги Иқтисодий жиноятларга қарши курашиш департаменти хабар берди.
Маълум қилинишича, “С.П.” МЧЖнинг таъсисчиси З.М. ва фуқаро Д.Х. ўзаро тил бириктириб, тадбиркор А.З.нинг ишончига кирган. Унга МЧЖнинг Кўкча дарвоза кўчасидаги 727 кв метр майдонга эга бўлган савдо ва маиший хизмат кўрсатиш биносини сотишга келишиб, гўёки 5 иш кунида бинони унинг номига ўтказиб беришлари ҳақида тилхат ёзиб берган.
Улар тадбиркорнинг 2 млрд сўм нақд пулини фирибгарлик йўли билан қўлга киритгач, бинони бошқа шахсга сотиб юборганликлари аниқланган.
Мазкур ҳолат юзасидан Жиноят кодексининг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
Изоҳ (0)