Ўзбекистонда ҳаво ҳарорати бир оз пасайишидан сўнг яна кўтарилиши кутилмоқда

Бугун ва эртага Ўзбекистон ҳудуди бўйича ҳаво ҳароратининг  бир оз пасайиши кутилмоқда, деб хабар берди “Ўзгидромет”.

Маълум қилинишича, 29—30 июль кунлари кундузги ҳаво ҳарорати 34-38 даража атрофида, фақат жанубда баъзи жойларда 41-44 даражагача бўлади. Иш ҳафтасининг ўртасидан охиригача ҳарорат фони 2-3 даражага кўтарилади. Ҳудуднинг катта қисмида кундуз кунлари ҳаво 39-41 даражагача исийди.

Шамол 7-12 метр/секунд тезликда эсади, баъзи жойларда 13-18 метр/секундгача кучаяди, 29—31 июлда чўл ҳудудларда баъзида 20-23 метр/секундгача кучайиши, чанг-тўзон билан кузатилиши мумкин.

Тошкентда ҳаво кам булутли бўлади, ёғингарчилик кутилмайди. Шамол шарқдан 3-8 метр/секунд тезликда эсади, баъзи жойларда 10-12 метр/секундгача кучаяди.

Ҳарорат асосан кечалари 22-25 даража, кундуз кунлари 29—30 июлда 36-38 даража, 31 июль ва 1—2 августда 38-41 даража бўлади.