Яқин Шарқда Исроил, “Ҳизбуллоҳ” ва Эрон ўртасида катта уруш бошланади, бу уруш ҳатто Россияни ҳам қамраб олиши мумкин. Бу ҳақда Forbes бош муҳаррири Стив Форбес маълум қилди.
Исроил, “Ҳизбуллоҳ” ва Эрон ўртасида катта уруш кетмоқда. Тўқнашув муқаррар, деб ёзади у.
Форбеснинг фикрича, бундай можаро тезда кенгайиб боради, бу нафақат АҚШни, балки Россияни ҳам қамраб олиши мумкин.
Ягона масала — портлаш вақти, бу яқин келажакда ёки бир оз кейинроқ содир бўлиши мумкин, деб ҳисоблайди журналист.
Форбес таъкидлаганидек, асосий қайноқ нуқта Исроил ва Ливан ўртасидаги чегара бўлади, унинг жанубида “Ҳизбуллоҳ” позициялари жойлашган.
Исроил-Ливан чегарасидаги вазият 2023 йил октябрь ойида Ғазода Исроил ҳарбий амалиётлари бошланганидан кейин ёмонлашган эди. Исроил армияси ва Ливан “Ҳизбуллоҳ”и жангарилари чегарадаги ҳудудларда ҳар куни бир-бирининг позицияларига ўқ узмоқда.
Ливан ТИВ маълумотларига кўра, Исроил томонидан ўққа тутилиши сабабли Ливан жанубида 100 мингга яқин одам уйларини тарк этишга мажбур бўлган. Исроил томони мамлакат шимолининг 80 мингга яқин аҳолиси худди шундай вазиятга тушиб қолгани ҳақида хабар берган.
Изоҳ (0)