Yengil (-70 kg) va yarim yengil vazn toifasida (66 kg gacha) ikki karra sobiq UFC chempioni irlandiyalik Konor Makgregor Habib Nurmagomedovga yozgan tahdidli xabarlarini ommaga taqdim etdi.
“Birodar, men oilangning uyini davlatdan sotib olish uchun pul qo‘ydim, chunki bunga sening puling yetmaydi. Men sening uyingda katta rasvogarchiliklar qilaman. Sen oilangni tashlab ketding, men sening uyingni xonavayron qilaman”, deb yozdi Makgregor o‘zining X ijtimoiy tarmog‘ida. U yozgan postida Habibga yozgan xabar tushirilgan suratni ilova qildi.
Avvalroq “Habib—terrorchi. U qochib ketgan davlatidan katta qarzdor”, deb yozgan edi Makgregor o‘zining ijtimoiy tarmoqlarida.
Rossiya Federatsiyasi Federal soliq xizmati (FNS) yengil vazn toifasida sobiq UFC chempioni Habib Nurmagomedovning 297 million rubl qarzi sabab, hisob raqamlarini muzlatgani xabar berilgan edi.
Eslatib o‘tamiz, Habib va Makgregor 2018-yilning oktabr oyida UFC-229 turnirida uchrashgan edi, o‘shanda u to‘rtinchi raundda muvaffaqiyatli bo‘g‘ish uslubi bilan mag‘lubiyatga uchratgan edi.
Izoh (0)